No er endeleg WordPress 3.3, med alle dei tilleggsfunksjonane og bunadene som fylgjer med standardpakka, ferdig omsette til nynorsk. Funksjonen som gjev deg fleire bloggar på same nettstaden, den såkalla nettverksfunksjonen («multisite» på engelsk) har mangla fram til no, men ved hjelp av litt aktiv innsats nokre dagar fekk me han på plass. Dermed ligg alt til rette for å laga eit svært nettverk av nynorske bloggar!
Månad: desember 2011
Språkvaska 3.3 ute i dag
WordPress 3.3 på nynorsk vart gjeven ut igår, og i dag kjem ei ny utgåve med noko språkvask, samt fleire omsetjingar i Multisite-delen. Det kan framleis vera att skrivefeil og dårlege formuleringar, men me tek dei etterkvart. Det er over 3.400 omsetjingar i hovudfila for WordPress-omsetjingar, og difor mykje å halde oversikt over.
Nynorsk WordPress 3.3 på veg
Som de kanskje har lagt merkje til, har WordPress 3.3 nett kome ut. Nynorskutgåva er òg på veg – det står att å omsetja eit hundretals tekster, så kjem heile herlegdomen på nynorsk etterkvart. Litt tolmod no eit par dagar, berre.