Versjon 3.3

Personleg publiseringssystem

Det viktigaste fyrst

Velkomen. WordPress er eit heilt spesielt prosjekt for meg. Kvar einaste utviklar og bidragsytar kjem med sine speiselle evner, og saman lagar me noko vakkert som eg er stolt over å vera ein del av. Tusenvis av timar har gange med til WordPress, og me strevar for å gjera det betre kvar dag. Takk for at du vil bruka resultatet av arbeidet vårt.

— Matt Mullenweg

Installasjon: Fem minutt er alt du treng

1. Pakk ut fila i ei tom mappe, og last alt opp til vevtenaren din.
2. Opna wp-admin/install.php i nettlesaren din. Denne fila hjelper deg å laga ei wp-config.php-fil med opplysingar du treng for å kopla til databasen din.
   1. Viss dette ikkje verkar, er me lei for det. Det verkar ikkje på alle nettvertar. Opna wp-config-sample.php med eit tekstredigeringsprogram, slik som notisblokk, og skriv inn opplysingane om databasen din.
   2. Lagra fila som wp-config.php og last ho opp.
   3. Opna wp-admin/install.php i nettlesaren din.
3. Når oppsettsfila er laga, vil installasjonen laga dei databasetabellane du treng til bloggen din. Viss noko går gale, bør du dobbelsjekka wp-config.php-fila, og prøva ein gong til. Viss det går gale ein gong til, kan du gå til det engelske hjelpeforumet, og ta med så mange opplysingar du kan.
4. Viss du ikkje skreiv inn eit passord, vil du få eit tildelt. Viss du ikkje skreiv inn eit brukarnamn, vil det vera admin.
5. Det neste som skjer, er at installeringsprogrammet sender deg til innloggingssida. Logg inn med brukarnamnet og passordet som vart laga under installasjonen. Viss du fekk eit ferdiglaga passord, kan du klikka på 'Profil' for å endra det til noko du hugsar betre.

Oppdatering

Automatisk oppdatering

Viss du oppdaterer frå versjon 2.7 eller nyare, kan du bruka den automatiske oppdateringa:

1. Opna wp-admin/update-core.php i nettlesaren, og fylg framgangsmåten.
2. Ville du ha meir? Det er ikkje meir!

Oppdatera manuelt

1. Før du oppdaterer, må du passa på at du har tryggingskopiar av alt du har endra sjølv, slik som wp-config.php.
2. Slett dei gamle WordPress-filene, ta vare på dei du har endra.
3. Last opp dei nye filene.
4. Gå til /wp-admin/upgrade.php i nettlesaren.

Endringar i bunadmalar

Viss du har endra bunadmalane, må du kanskje gjera nokre endringar når nye versjonar kjem ut.

Overføra frå andre system

WordPress kan importera frå mange andre system. Det fyrste du må gjera, er å få WordPress installert, før du går til importverktya våre.

Systemkrav

• PHP versjon 5.2.4 eller nyare.
• MySQL versjon 5.0 eller nyare.

Systemtilrådingar

• Apache-modulenmod_rewrite.
• Ei lenkje til http://wordpress.org på nettstaden din.

Hjelp på nettet

Viss du har spørsmål, kan du gjera bruk av dei mange hjelpesidene og -ressursane våre på nett:

WordPress-dokumentasjonen

Dokumentasjonssenteret er sjølve leksikonet til alt som har med WordPress å gjera (engelsk). Det er her du finn mest informasjon.

WordPress-bloggen (engelsk)

Her finn du siste nytt om WordPress. Stoff herifrå kjem opp i styringspanelet ditt.

WordPress Planet (engelsk)

Her kjem WordPress-nytt frå bloggar rundt om i verda.

WordPress-foruma (engelsk)

Viss du har leitt overalt utan å finna svar, finst det eit aktivt hjelpeforum med ei mengd kunnskapsrike medlemer som gjerne hjelper til. For å få hjelp, må du laga gode problemskildringar og innleggstitlar, med så mykje informasjon du greier.

IRCkanalen til WordPress

Denne pratekanalen blir brukt til WordPress-ordskifte, og av og til til hjelp. Wiki-sida over bør hjelpa deg på veg. (irc.freenode.net #wordpress)

XML-RPC og Atom-tilgang

Du kan leggja ut stoff på WordPress-bloggen din med td. Windows Live Writer, Ecto, w.bloggar, Radio Userland (der du kan bruka epost til blogg-funksjonen derifrå), NewzCrawler, og andre verkty som støttar blogging API-grensesnitt! :) Du kan lesa meir om XML-RPC støtte på dokumentasjonssidene.

Epost til bloggen

Du kan leggja ut på bloggen din med epost! For å setja opp dette, går du til "Skriving"-vala og skriv inn tilkoplingsdetaljar for ein hemmeleg POP3wp-mail.php til å sjekka postkassa jamnleg. Du kan gjera dette med cron-jobbar, eller viss nettverten din ikkje støttar dette, kan du sjå på ymse overvakingstenester, og få dei til å sjekka wp-mail.php-URL-en din.

Å leggja ut frå epost er lett. All epost du sender til den hemmelege epostadressa di blir lagt ut, med emnefeltet som innleggstittel. Difor er det best å halda adressa hemmeleg. Skriptet vil sletta epostar når dei er lagde ut.

Brukarroller

Til versjon 2.0 laga me eit fleksibelt rollesystem for WordPress. Du kan lesa meir om brukarroller her.

Til slutt

• Viss du har forslag, eller (gisp!) har funne ein feil, kan du bli med på hjelpeforumet.
• WordPress har eit solid API-grensesnitt for innstikk, som gjer det enkelt å utvida koden. Viss du er utviklar og interessert i å bruka dette, sjå dokumentasjonen. Du bør ikkje endra kjernekoden.

Del goda

WordPress har inga svær marknadsblåse eller kjendissponsorar, men me har noko endå betre—deg. Viss du likar WordPress, bed me deg fortelja det til venene dine, og gjerne hjelpa dei med å setja opp WordPress. Du kan elles ta kontakt med pressa, om du meiner ein journalist burde veta om oss.

WordPress er det offisielle framhaldet av b2/cafélog, som kom frå Michel V. WordPress-utviklarane har halde fram arbeidet. Viss du vil støtta oss, kan du vurdera å gje pengar.

Lisens

WordPress er fri programvare, og er gjeven ut under GPL versjon 2 eller (om du vil) seinare utgåver. Sjålicense.txt.