Title: Bidra til nynorskomsetjinga
Author: Eivind Ødegård
Published: 20. april 2012
Last modified: 15. desember 2022

---

# Bidra til nynorskomsetjinga

Viss du finn direkte feil i nynorskutgåva av WordPress, eller har konkrete framlegg
til korleis utgåva kan bli betre, er det flott om du melder deg som omsetjar. Det
same gjeld om du berre har lyst til å få ut nynorskutgåvene av WordPress så snøgt
det går an, eller har lyst til å få meir av tilleggsfunksjonane (utformingar, innstikk
oa.) på nynorsk. Spesielle fagkvalifikasjonar treng du ikkje, men du må sjølvsagt
vera heilt stø i nynorsk, og ha litt greie på språkbruk i programvare og på nett.

Ein god måte å koma i gang på, er å gjera slik:

 1. Bli medlem på [wordpress.org](http://wordpress.org).
 2. Logg på [translate.wordpress.org](http://translate.wordpress.org) med wordpress.
    org-brukarnamnet.
 3. [Omset](https://translate.wordpress.org/locale/nn).

Dette gjeld for sjølve WordPress, samt mange tilleggsfunksjonar. Det er mykje å 
jobba med på translate.wordpress.org, og i tillegg finst det mange andre tilleggsfunksjonar
til WordPress. Dei har gjerne sine eigne nettstader og omsetjingsrutinar. Det vanlegaste
er .po-filer som du omset.

Det er hjelp å finna for nye omsetjarar, og meir enn eg får tid å nemna her. Skulelinux
har ein del tankar om [språkbruk](http://i18n.skulelinux.no/retningslinjer.html),
samt ei [liste over dataord](http://i18n.skulelinux.no/nb/Fellesordl.eng-no.html)
med omsetjingar til norsk. I tillegg er [ordboka](https://ordbøkene.no/) ein ressurs
du ikkje må vera redd for å bruka.